ჩვენს შესახებ

შპს „ეკო ბოჰემია“ საწარმო „ბერტას“ ბაზაზე შეიქმნა, რომელიც ამიერკავკასიის რეგიონში საყოფაცხოვრებო მოხმარებისა და ჰიგიენური საშუალებების პირველი და უდიდესი მწარმოებელი იყო. საწარმოს ტერიტორიაზე განთავსებულია ადმინისტრაციული შენობა, რამდენიმე საწარმოო, სასაწყობე და დამხმარე ფართი. საწარმოს აქვს საკუთარი ავტონომიური ჭაბურღილი, მილსადენი, წყლის ავზები, ავტონომიური ელექტრო გადამცემი ხაზი სამი ტრანსფორმატორით. ასევე, სამი დამოუკიდებელი შესასვლელი გზა, რაც ტრანსპორტის თავისუფლად გადაადგილების საშუალებას იძლევა. კომპანიაში დასაქმებულები არიან ადგილობრივი მაცხოვრებლები.

შპს ,,ეკო ბოჰემია“_ს ძირითად საქმიანობას წარმოადგენს ყოველდღიური მოხმარების, საყოფაცხოვრებო/ჰიგიენური საშუალებების წარმოება, როგორიცაა: ხელის ანტისეპტიკური და ზედაპირების სადეზინფექციო საშუალებები, თხევადი ანტიბაქტერიული საპონი, ჭურჭლის სარეცხი საშუალება, სამზარეულოს საწმენდი, ტანსაცმლის სარეცხი, ავტომობილის სარეცხი, მილების გამწმენდი საშუალებების და სხვა პროდუქტების წარმოება.
საწარმოს გააჩნია ISO სერტიფიკატი, აქტიურად თანამშრომლობს ლუგარის ლაბორატორიასთან და ასვე აკრედიტირებულ ლაბორატორია ,,ნორმა“_სთან.

გარდა ამისა, გვაქვს უახლესი ტექნოლოგიით აღჭურვილი საკუთარი ქიმიური და მიკრობიოლოგიური ლაბორატორია, ევროპული, უმაღლესი ხარისხის დანადგარები, შესაბამისად, საწარმოში შესაძლებელია ნებისმიერი სახის ნედლეულის შემოწმება ხარისხის უმაღლესი დაცვით, პროდუქციის მუდმივი კონტროლი და ახალ პროდუქტებზე მუშაობა.

სახარში ქვაბები დამზადებულია იტალიური წარმოშობის უჟანგავი ლითონით, გააჩნია სამმაგი გადარევისა და ტემპერატურის რეგულაციის ფუნქციები, რაც სრულად პასუხობს ევროპული სტანდარტებს.

წარმოების მაღალი ხარისხიდან გამომდინარე, პროდუქცია მზადდება მძიმე ლითონებისგან გათავისუფლებული (ოსმოსის) წყლით, შესაბამისად, წარმოებული პროდუქცია წარმოადგენს ეკოლოგიურად სუფთა, უმაღლესი ხარისხის უსაფრთხო პროდუქტს, რომელთა ეფექტურობა დადასტურებულია ავტორიტეტული საერთაშორისო ორგანიზაციების მიერ.

ჩვენთვის პრიორიტეტულია უსაფრთხოების სტანდარტების დაცვა, აქედან გამომდინარე საწარმო განთავსებულია ეკოლოგიურად სუფთა ადგილას, რაც არსებითად ამცირებს წარმოების ტერიტორიაზე გამონაბოლქვებისა და მავნე ნივთიერებების არსებობას.
საწარმოს შენობაში მოწყობილია სავენტილაციო სისტემა, რაც უზრუნველყოფს მტვრის ნაწილაკების სრულად მოსპობას.
საწარმო, გარდა ძირითადი საქმიანობისა, ჩართულია პლასტმასის ნაწარმის, კერძოდ, პეტ ბოთლების წარმოების პროცესში და სამშენებლო მასალის წარმოებაშიც. საწარმოს ტერიტორიაზე მოქმედებს ინოვაციური პროდუქტის – პერლიტის ბაზაზე დამზადებული მშრალი საიზოლაციო მასალის – ,,თერმოჰაბ ეკონომი“_ს საწარმო, რომელიც აღჭურვილია თანამედროვე დანადგარებით.
აღსანიშნავია, რომ არსებული პროდუქტები გარდა შიდა ბაზრისა, გადის ექსპორტზე.

ბერტას საწარმო სტრატეგია

ორიენტირებულია მომხმარებლების მოთხოვნების შესრულებაზე, მათი მოთხოვნილებების დაკმაყოფილების უზრუნველყოფასა და ჩვენი პროდუქციის მიმართ ნდობის ჩამოყალიბებაზე, რაც დადგენილი მოთხოვნების მკაცრი დაცვის გზით მიიღწევა.

მიზანი

ბერტას მიზანი ადგილობრივ, რეგიონალურ და საერთაშორისო ბაზარზე დამკვიდრება და კონკურენტუნარიანი მწარმოებლის სტატუსის მოპოვებაა, რაც, პირველ რიგში, მაღალი ხარისხის პროდუქციის წარმოებით და მომსახურების დონით განისაზღვრება.

ბერტას კორპორატიული ხედვა

ბერტას კორპორატიული ხედვის მთავარ პრიორიტეტს წარმოადგენს ადგილობრივ და საერთაშორისო ბაზრებზე პოზიციის გამყარება, რასაც მაღალი ხარისხის პროდუქციის წარმოებით მივაღწევთ.

უპირატესობები

1. საკუთარი ქიმიური და მიკრობიოლოგიური ლაბორატორია;
2. ნებისმიერი სახის ნედლეულის შემოწმება;
3. წარმოებული პროდუქციის მუდმივი კონტროლი რეალიზაციამდე;
4. შესაძლებელია ახალი კომპონენტების ცვლილება და ახალი პროდუქციის შექმნა;
5. ლაბორატორიას აქვს მჭიდრო თანამშრომლობა სხვადასხვა ლაბორატორიებთან (მათ შორის, ლუგარის კვლევით ცენტრთან).